PROPOSTA DUN E-PORTAFOLIOS DO ESTUDANTE.

A materia de Lingua Galega está enfocada este curso a partir de obradoiros. Non temos libro de texto, o que nos da liberdade para deseñar as nosas propias actividades, sempre a apartir do currículum.
Estamos a levar a cabo catro obradoiros: un de expresión, outro de comprensión, outro de ortografía e un último de gramática.
A maiores, en colaboración coa mestra de Lengua e a mestra de Inglés, realizamos miniproxectos ao longo do curso. Por exemplo, neste Segundo Trimestre, estamos montando unha revista dixital.
A continuación, comentarei como suxeriría aos meus alumnos/as a elaboración do seu portafolios orixinal para esta materia:

•  Que plataforma vas utilizar (Blogger, Google Sites,...)?

Como plataforma para introducilos no mundo dos blogues, lles recomendaría Blogger, xa que ten un deseño moi intuitivo e fácil de manexar.

•     Que seccións obrigatorias debe ter o e-portafolios?

Os seus portafolios deben ter as seguintes seccións obligatorias:

1.  Presentación.
2.  Carta para o lector 
3.  Obxectivos.
4.  Evidencias.
5.  Avaliación. Autoavaliación e coavaliación. Listas de cotexo e rúbricas do docente e do alumno/a.
6.  Reflexión.
7.  Propostas de mellora.

•  É un portafolios individual ou de grupo?

Tratase dun portafolios individual xa que, aínda que moitas das actividades que realicemos na aula serán en grupos cooperativos; haberá algunhas individuais. Polo tanto, será mellor que cada un/ha teña o seu propio protafolio, para así ver mellor a súa evolución.

•  Con que periodicidade débese actualizar?

Semanalmente, xa que todas as semanas realizamos tarefas na aula que poden incluír.

•     Que produto debe incluírse en cada unha das fases?

Unha foto, vídeo ou documento.

•     Que guías de axuda á realización do e-portafolios necesitarías? 

Xa que os meus alumnos/as nunca crearon un blogue eles/as sós, necesitarían unha guía de funcionamento de Blogger, para comezar.

ANÁLISE DUN EXEMPLO DE PORTAFOLIO DOCENTE.

No enlace que comparto ao final desta entrada atopamos un portafolio dunha mestra de Relixión. Elexín este portafolio como exemplo porque, a pesar de non estar moi a favor da asignatura de Relixión, me parece que esta mestra fixo un traballo moi bo. Trátase dun portafolio moi completo e moi visual.

Tres aspectos positivos a destacar serían os seguintes:

• Diseño: ten un diseño moi sinxelo e fácil de entender, moi ben organizado.
• Contido: moi completo, xa que ademáis de ensinar diferentes evidencias do traballo e enlazar a diversos blogues do profesorado e dos alumnos/as; ten varios apartados nos que fala sobre o PEL, as vantaxes e inconvintes do Portafolios, etc.
• Variedade: ten moitos recursos útiles e variados, incluíndo o traballo en valores, cun proxecto sobre os Refuxiados, traballando moito as saídas escolares, etc.

Dous aspectos que poderían mellorarse poderían ser:

• Avaliación: non atopo ningunha referencia á avaliación da súa práctica docente, nin do portafolios en sí.
• Presentación e Currículum: tamén se bota en falta unha presentación completa e un currículum da propia mestra.

Lle suxeriría que completase o seu portafolios cunha páxina de presentación dela mesma, co seu currículum e os seus obxectivos. E que engadise tamén un apartado de Avaliación, pode que incluíndo algunha rúbrica.

http://portfolioreligion.blogspot.com.es/